Një gjyqtar pranë Gjykatës së Posaçme Kundër Krimit të Organizuar dhe Korrupsionit ka bërë kërkesë për mbrojtje pasi ka marrë kërcënime, por ajo nuk i është ofruar. Kjo u bë e ditur sot nga gjyqtarja Saida Dollani, anëtare e kësaj Gjykate, e ngarkuar për komunikim me mediat.
Ajo ka pohuar se një nga anëtarët e GJKKO ka kërkuar mbrojtje, por pas shqyrtimit nga Komisioni i posaçëm, nuk i është dhënë.
“Nga data 19 Janar 2020, ka pasur vetëm një kërkesë të një gjyqtari për vënie në ruajtje të posaçme, kërkesë të cilën Komisioni për Mbrojtjen e Gjyqtarëve pranë KLGJ, nuk e ka vlerësuar si të tillë”, u shpreh Dollani.
