Tre anëtarë të një familje ndërruan jetë mëngjesin e sotëm në fshatin Dyshnik, në Berat, pasi hynë në pus për ta pastruar.
Kamber Hoxha, 77 vjeç, Neim Hoxha, 46 vjeç si dhe Gentjan Golashi 45 vjeç mbetën viktima të incidetit të ndodhur në oborrin e shtëpisë.
Sipas asaj që njofton policia, në fillim në pus kishte hyrë i moshuari 75-vjeçar për ta pastruar, por më pas pasi situata ka dalë nga kontrolli dhe është futur i biri që ta shpëtoje, për fat të keq të njëjtën fat pësoi edhe ai.
Për t’i shpëtuar ata të dy është futur dhe nipi në pus por dhe ai për fat të keq nuk ka mundur të shpëtojë.
“Babai ka hyrë i pari 75-vjeç dhe pastaj kanë hyrë për ta shpëtuar djali dhe nipi për ta shpëtuar pa kuptuar se është mungesë totale oksigjeni! Pavarësisht përpjekjeve, të tre arritën në spital pa shenja jete! Është një rast fatkeq, ne do të ndjekim të gjitha procedurat ligjore, nesër do marrim masat e duhura për të respektuar edhe rregullat e COVID-19, Për të mos pasur fatkeqësi të tjera.” – sqaron drejtori i policisë së Beratit, Hasan Ahmetaj
