Artan Hoxha është regjistruar ditën e sotme si kandidati i parë për garën e postit të Rektorit të Universitetit të Tiranës. Prof. Dr. Artan Hoxha është aktualisht dekani i Fakultetit të Drejtësisë.
Pas vendimit të Komisionit Zgjedhor të Universitetit të Tiranës, mësohet se Mynyr Koni, Rektori aktual i Universitetit të Tiranës ka vendosur të shkarkojë të gjithë pedagogët që përfshirë në procesin zgjedhor.
Ditën e sotme është firmosur vendimi dhe janë shkarkuar nga detyra, pedagogët, Majlinda Keta, Benard Dosti, Oriona Muçollari, Gledjan Caka, Ardian Doka, Eglantina Gishti dhe Eno Lushka.
Të shtatë pedagoget janë pjesë e Komisionit Institucional të Zgjedhjeve në Universitetin e Tiranës.
Është publikuar vendimi për shkarkimin e pedagoges, Majlinda Keta me motivacionin e shkeljes në mënyrë flagrante të rregullores për organizimin e zgjedhjeve në Universitetin e Tiranës.
Mësohet se më të njëjtin argument janë shkarkuar dhe 7 pedagogët e tjerë të Universitetit të Tiranës.
Ndër të tjera në arsyet e renditura për shkarkimin nga detyra duhet se është “shkelur në mënyrë flagrante rregullorja për organizimin e zgjedhjeve për autoritetet dhe Senatin Akadamik të UT, duke përgatitur, formosur dhe dërguar me email edhe në formë shkresore dokumenta, të cilat janë në shkelje të rregullores së sipërcituar. Moszbatimi i shkresës së rektorit të UT për ndërprerjen e menjëhershme të veprimeve të paligjshme me pasoja për Universitetin”.
