Mjeku i njohur Gëzim Xhepa përmes rrjeteve sociale ka ironizuar luftën ndaj Covid-19, madje duke e cilësuar atë si luftën me gjermmanin.
“Atëherë e ndoqëm gjermanin deri në Jugosllavi, sot po ndjekim Covid deri ne Itali, por si atëhere për gjermanin e fundit, edhe sot, politika s’po ndan dot mendjen për largimin e virusit të fundit, për t’i deklamuar popullit lirinë”, shkruan Xhepa në rrjetet sociale.
Ndërkohë në një tjetër postim, mjeku i njohur shprehet se në mjekësi termat agresivë të luftës nuk shkojnë.
“Shqipërinë e shpëtoi zoti se e kaloi pikun pa e kuptuar…, dhe janë mjekët e familjes që e nxorrën faqebardhë duke mos shkaktuar krizën Lombarde…”, shkruan Xhepa
Postimi nga Gëzim Xhepa
E vërteta për Covid19 në Shqipëri! ( Të tjerat janë budallallëqe)
Nga Dr. Gezim Xhepa
Në radhë të parë në mjekësi termat agresivë të luftës nuk shkojnë….
Së dyti Shqipërinë e shpëtoi zoti se e kaloi pikun pa e kuptuar…, dhe janë mjekët e familjes që e nxorrën faqebardhë duke mos shkaktuar krizën Lombarde…
Së treti bëtë masat më drastike në botë duke linçuar dhe terrorizuar një popull në kurbën rënëse të epidemisë, nga paniku që ju kaplloi me abuzimet që keni bërë duke shkatëruar spitalet…
Dhe së fundi, ndonëse masakruat një popull në aspektin ekonomik, social, dhe shëndetësor s’arritët asgjë më tepër se vendet në rajon, të cilat jo vetëm patën të njëjtin numër viktimash me ju, por nuk pasohen nga viktima që po prodhoni çdo ditë dhe do të prodhoni shumë më tepër nesër nga fluksi në spitale, për shkak të bllokumit injorantesk që i keni bërë shërbimit shëndetsor në gjithë Shqipërinë…!!!
