Britania e Madhe shënon ulje të viktimave nga koronavirusi krahasuar me një ditë më parë. Në 24 orët e fundit në Britani kanë ndërruar jetë 229 persona, shifra më e ulët që prej 24 marsit.
Numri total i personave që kanë humbur jetën deri tani është 28.650. Britania e Madhe është shteti i dytë në Europë pas Italisë për nga numri i viktimave nga koronavirusi.
Disa ditë me parë kryeministri i Britanisë së Madhe, Boris Johnson deklaroi se vendi po e kalon “kulmin” e pandemisë, ndërsa premtoi se këtë javë do të paraqesë një strategji të daljes nga izolimi.
