Ish-kreu i Sindikatës së Minatorëve Fiqiri Xibri në një shënim në rrjetet sociale i ka bërë thirrje qytetarëve të reagojnë kundër masave të ashpra që ka marrë Qeveria për parandalimin e përhapjes së COVID-19.
Duke ju referuar Suedisë, e cila nuk mori masa ndaj COVID-19, Xibri shkruan se Suedia i nxorri lakuriq qeveritarët e korruptuar, që i janë dorëzuar karteleve mafioze farmaceutike në kurriz të popujve të vet.
“Ndryshe nga shqiptarët frikacakë, edhe këtë fundjavë pati disa protesta kundër kufizimeve të vëna. Fotoja më poshtë është nga protesta në Stutgart dhe fotoja tjetër nga një lokal në Suedi”, shkruan Xibri.
Postimi i plotë
Për të gjithë ju shqiptarët, që po vdisni nga frika e mashtrimeve dhe kërcënimeve të Edi Ramës, që përtoni të arësyetoni vetë, por ju kanë matufepsur duke dëgjuar vetëm mediat e sistemit tonë politik totalisht të degraduar ngado që ta kapësh.
Po ju kujtoj edhe një herë Suedinë dhe kryeministrin Lëfven, i cili pati guximin, ndershmërinë, respektin per të drejtat e dashurinë për popullin dhe vendin e vet dhe megjithë presionet e vazhdueshme që pati nga OBSH dhe qeveritë tradhëtare të popujve të vet, nuk ju dorëzua atyre, ndonëse nuk vuri thuajse asnjë kufizim, nuk pati asnjë pasojë ndryshe nga ata që u tallën me të drejtat e shtetasve të vet dhe ekonominë etyre, ku Shqipëria ishte ndoshta modeli më ekstremisht i papërgjegjshëm prej diktatit të një kryeministri, që prej kohësh po lëngon me dy sëmundje të rrezikshme, marrëzinë e madhështisë dhe madhështinë e marrëzisë.
Suedia i nxorri lakuriq qeveritarët e korruptuar, që i janë dorëzuar karteleve mafioze farmaceutike në kurriz të popujve të vet.
Ndryshe nga shqiptarët frikacakë, edhe këtë fundjavë pati disa protesta kundër kufizimeve të vëna. Fotoja më poshtë është nga protesta në Stutgart dhe fotoja tjetër nga një lokal në Suedi.
