“Jam një punonjëse fasonerie dhe dua të di për pagën e luftës. Kam 3 muaj pa punë si do bëhet për ne. Ekonomistja më mori ne telefon në datë 13 do të të shkëput nga puna dhe ata më shkëputen që në datë 9 dhe tani me thone s’e fiton. Si do bëhet për ne, ku do hamë ne, plus që kemi për të paguar detyrimet vetëm une jam në punë nga familjarët”.
Kjo është vetëm njëra nga shumë letrat që kanë ardhur pranë redaksisë së Monitor, nga individë që ankohen se nuk po përfitojnë nga ndihma financiare, nuk e dinë nëse punëdhënësi ka aplikuar për ato dhe nuk po dinë se ku të marrin informacion dhe ku ta gjejnë të drejtën e tyre.
Drejtoresha e Përgjithshme e Tatimeve, Delina Ibrahimaj, në një postim në faqen e saj në rrjetet sociale u ka bërë thirrje sot të gjithë individëve individët e interesuar, të cilët konsiderojnë se mund të jenë përfitues të ndihmës financiare Paketa 2-te sipas VKM nr.305 datë 16.04.2020, por subjekti ku jane te punesuar nuk ka kryer aplikimin per ta, bëjmë me dije se kanë mundësi të paraqesin Formularin e ankesës( Formati 2 për individë) te cilin mund ta shkarkoni ne linkun :
https://www.tatime.gov.al/d/8/45/0/1379/trajtimi-i-ankesave-per-paketen-e-ndihmes-financiare-2-menyra-se-si-duhet-te-aplikoni
Individët,duhet të dërgojnë Formatin nr. 2, të plotësuar, në adresën e dedikuar të emailit: [email protected]@tatime.gov.al.
Është e rëndësishme, theksojnë tatimet, që ankesa e dërguar nga individët duhet të përmbajë NIPT e subjektit në të cilin është i punësuar dhe ka aplikuar, NID përkatës të individit si dhe të dhëna të tjera të kërkuara në formular.
Në këtë periudhë të situatës së emergjencës së krijuar mga COVID-19, trajtimi i çdo ankese të paraqitur nga çdo individ apo subjekt, në lidhje me përfitimin e ndihmës financiare, mbështetje e Qeverisë Shqiptare, është prioritet i Administratës Tatimore, sipas burimeve zyrtare. /Monitor/
