Përfaqësuesja e ISHP-së Rovena Daja në përgjigje të interesit të medias deklaroi sot se “një fasoneri në Tiranë është mbyllur, ndërsa në kryeqytet numërohen 4 persona të prekur me COVID 19 punonjës të këtij sektori “.
“Që nga fillimi i pandemisë e deri më sot kemi vetëm 4 persona të prekur me COVID 19, të cilët kanë punuar në fasoneri në Tiranë. Inspektoriati Shëndetësor Shtetëror ka vijuar me kontrollet e tij dhe është mbyllur një fasoneri në Tiranë”, deklaroi ajo.
E pyetur se sa raste të reja janë që kanë lidhje me fasoneritë, Daja tha se “gjatë 24 orëve të fundit kemi patur 4 raste pozitive me COVID19 në Krujë, të cilat kanë lidhje me fasoneritë e këtij qyteti.
