Kryeministri i Britanisë së Madhe ka folur për herë të parë që pas kalimit të COVID-19. Boris Johnson ka thënë se Britania e Madhe po e kalon pikun e shpërthimit të koronavirusit në vend.
“Ne jemi duke e kaluar pikun e pandemisë” ,tha Johnson, duke shtuar se do të përcaktojë një plan gjithëpërfshirës javën e ardhshme për rifillimin e ekonomisë dhe rihapjen e shkollave.
Por ai paralajmëroi se lehtësimi i masave kufizuese nuk do jetë në mënyrë të menjëhershme, pasi vendi mund të rrezikohet nga një valë e dytë e Covid-19.
