Sinisa Mihajlovic mori drejtimin e Sporting-ut të Lisbonës në qershor të vitit 2018. Por aventura e teknikut serb atje zgjati vetëm nëntë ditë, pasi klubi portugez vendosi ta shkarkonte me pretekstin e dështimit të kalimit të periudhës së provës.
Kjo histori shënon edhe fillimin e tensioneve midis trajnerit dhe klubit. Trajneri aktual i Bologna-s, hodhi në gjyq Sportingun dhe në nëntor të vitit 2019 përgjigja e marrë ishte pozitive dhe klubi portugez u urdhërua t’i paguajë 51-vjeçarit 3 milionë euro si dëmshpërblim.
Por duket se kjo pagesë kurrë nuk është realizuar dhe në një deklaratë të fundit, Mihajlovic, deklaron se Sportingu i Lisbonës po përpiqet ta vonojë pagesën dhe gjithashtu ka kërkuar nga UEFA përjashtimin e klubit portugez nga kupat e Evropës.
“Që nga fillimi i vitit, kur klubi njohu borxhin për herë të parë, Sportingu nuk ka bërë asgjë përveçse po përpiqet të vonojë pagesën. Në muajt e fundit klubi ka bërë propozime të shumta për shlyerje, por kur u bë e qartë se e gjithë kjo kishte për qëllim vetëm shtyrjen e pagesës, unë vendosa të përfshij UEFA-n. Vetëm atëherë Sportingu bëri një pagesë të pjesshme. Kjo sjellje është e papranueshme dhe nëse do të më detyrojnë t’i drejtohem përsëri në UEFA-s për të marrë shumën e plotë, do t’i shkoj deri në fund, madje edhe nëse kjo do të thotë të kërkosh përjashtimin e Sportingut nga garat e UEFA-s”.
