Në Shtetet e Bashkuara të Amerikës numri i personave të prekur nga Covid-19 ka arritur në 1,000,888, ndërsa viktimat në 56,323.
Brenda 24 orëve, vendi ka regjistruar 13,728 raste të reja me Covid-19, ndërsa kanë humbur jetën 1300.
Në një kohë që numri i rasteve me koronavirus vazhdon të rritet, disa shtete të SHBA-ve po nisin të rihapen në përpjekje për të rimëkëmbur ekonominë e goditur rëndë nga kriza.
Gjithsesi, këto vendime janë kundërshtuar fort nga ana e ekspertëve të shëndetit të cilët theksojnë se ndërveprimi mes njerëzve dhe aktiviteti ekonomik mund të bëhen shkak për një valë të dytë epidemie.
Në shtetin e Nju Jorkut, epiqendra e epidemisë në SHBA, rastet e reja me koronavirus u rritën të hënën me 3,900 duke e çuar numrin total në 290,000.
