Kryeministri Edi Rama ka nxehur gjakrat në Kuvend, duke e cilësuar Sali Berishën si një “qen lufte”, duke marrë spunto nga filmi hollivudian “War Dog”. Por opozita e ka ndërprerë Ramën duke pushtuar foltoren e Kuvendit.
Debatet
Rama: Nëse do ndodhte çudia që Saliu nuk do fliste do flisja unë për Saliun se doja ta uroja para parlamentit dhe popullit shqiptar një arritje që nuk besoj se tjetër figurë e politikës shqiptare do e arrijë ndonjëherë, futjen në Hollivud. Sali të përgëzoj që arrite të bëhesh frymëzim edhe për Hollivudin dhe të sugjeroj që atë zyrën e avokatisë që ke ta vësh në veprim për të drejtat e autorit se filmi qen lufte pa ty nuk do të ishte krijuar nga Hollivudi.
Flamur Noka: Harroje se mund të flasësh kështu, nxirre përjashta, e kupton ti, nxirre jashtë halabakun.
Edi Rama: Mos ma prish se nuk bëhet më, një figurë politike bëhet frymëzim për Hollivudin. Kuptoje sa e rëndësishme është kjo që po them.
Noka: Harroje se mund të flasë, pas kësaj që ka thënë nuk mund të vazhdojë më, harroje. Ndërpri seancën
Rama: Falë Saliut ky është bërë zëdhënësi më i mirë.
Rama: Ai është krenar që ka shkuar në Hollivud. Ja e dëgjon vetë. Degjoje Robert De Niron. Nuk i kupton ti këto…
Noka: Me këtë gjuhë nuk flitet.
Rama: Po të thotë Saliu të ulesh, Sali mos më shkel syrin, por i thuaj të ulet.
Noka: Harroje të thashë, mos mu lut fare, le të kërkojë falje.
Rama: O Flamur ulu, se e vetmja opozitë është ai, ca jeni ju mor vella, kush je ti që del këtu…
Noka: Jam ai që nuk të pranoj ty, që të them se ti nuk guxon më të flasësh pas asaj që the.
Pas këtyre replikave, kryetari i Kuvendit ka mbyllur seancën për disa minuta.
