Futbollisti i Osijek-ut, Eros Grezda, ashtu si të gjithë kolegët e tij aktualisht janë jashtë çdo lloj aktiviteti sportive dhe këto ditë po i kalon i izoluar për shkak të pandemisë së coronavirusit.
Në një intervistë të dhënë së fundmi për “Top Channel”, shqiptari tregon se së shpejti në Kroaci lojtarët do të mund të rifillojnë stërvitjen. 25-vjeçari gjithashtu ka folur edhe për pasionet e tij dhe mbi të gjitha duket se ka pranuar edhe lidhjen e tij aq të përfolur me modelen, Oriola Marashi. Ai tregoi se tortën e ditëlindjes së tij e kishte përgatitur vetë partnerja e tij.
“Rikthimi në stërvitje – “Po, më në fund erdhi lajmi që mund të vazhdojmë stërvitjen. Do fillojmë të stërvitemi me grupe me trajnerin e Atletikës. Pastaj do të shikojmë se si do të shkojë situata, mbase mund të shkojmë në ndonjë vend për përgatitje. Ajo nuk dihet”.
Pasioni i tij përveç futbollit – “Si fëmijë, kam qenë shumë u dhënë pas Formula 1. Kur mbaroj stërvitjen, luaj online Formula 1”.
Ditëlindja – “Nuk është se kam festuar ndonjë gjë thjesht, e kam kaluar në shtëpi. Më ka ndihmuar e dashura për tortën”, u shpreh për “Top Channel” Eros Grezda.
