Ditën e nesërme, do të lejohen të dalin nga banesat deri në orën 11 të paradites nënat me fëmijë dhe të pashoqëruar nga persona të tjerë. Urdhri i firmosur nga Ministrja e Shëndetësisë Ogerta Manastirliu është bërë publik nga kryeministri Edi Rama. Në një postim në FB, ai shkruan:
“NESËR NË QENDRAT URBANE DO TË DALIN NË KËMBË DERI NË ORËN 11.00, VETËM NËNAT ME FËMIJË DERI NË 10 VJEÇ.
KUJDES! NËNAT DUHET TË MOS SHOQËROHEN ME SHOQE DHE FËMIJËT DUHET TË MBAHEN LARG ÇDO KONTAKTI ME FËMIJË TË TJERË.
TË GJITHË NE BABALLARËT, FËMIJËT MBI 10 VJEÇ DHE TË MOSHUARIT NË SHTËPI DERI TË HËNËN NË ORËN 05.00”.
Një urdhër i ngjashëm gjeti terren për zbatim këtë të Shtunë, kur kategoria e zgjedhur ishin pensionistët. Sipas urdhrit, nga ora 09:00 – 11:00 ata kanë pasur të drejtën e liridaljes por duhej të ishin të shoqëruar vetëm me një person dhe të mos qëndronin në grumbullime apo të loznin domino.
