Presidenti i Federatës së Futbollit të Spanjës, Luis Rubiales, thuhet se është nën hetim për falsifikim të dokumenteve.
Së bashku me Rubiales, edhe Sekretari i Përgjithshëm, Andreu Camps, gjithashtu është akuzuar në lidhje me falsifikimin e pretenduar të një dokumenti publik në procesin e reformës ligjore të RFEF që kërkonte të shtonte 19 anëtarë të rinj në Asamble.
Në këtë mënyrë, 42 vjeçari do të përforconte pozitat e tij në krye të Federatës, pasi anëtarët e ri do të kishin të drejtën e votës, në zgjedhjet e ardhshme. Pas akuzave, institucioni i qeverisë, Këshilli Kombëtar i Sportit (CSD), pranoi një propozim të ri nga Federata Spanjolle e Futbollit (RFEF), që do të ulte numrin e anëtarëve të ri të bordit nga 19 në vetëm 5.
Propozimi i ri u pranua edhe nga CSD, por gjatë verifikimeve të kryera, rezultoi se kishte një falsifikim të dokumenteve.
Si përfundim, Federata e anuloi këtë propozim, dhe Asambleja e Përgjithshme mbeti me 140 anëtarë. Tashmë, Rubiales, në datën 21 do të japë provat e tij në Gjykatë në lidhje me këtë çështje, që përse donte të zgjeronte këtë bord.
Ky hetim për falsifikimin e dokumenteve nga ana e Luis Rubiales, mund të vijë si një goditje e madhe për të, pasi presidenti në detyrë në zgjedhjet që pritet të mbahen javën e ardhshme, do të ketë përballë legjendën e Real Madrid, Iker Casillas.
Spanish FA president Luis Rubiales is under investigation for forgery of public document to increase FA membership and bolster re-election hopes https://t.co/oeca1eBjQ0 pic.twitter.com/4vqBM9kkqU
— Football España (@footballespana_) April 14, 2020
