Tre persona janë vënë në pranga dhe 8 të tjerë janë proceduar penalisht nga shërbimet e policisë në 24 orët e fundit nën akuza të ndryshme.
Në Tiranë është arrestuar shtetasi Sh. Q., pasi nuk i është bindur urdhrit të punonjësit të Policisë për të bërë testin e alkoolit. Në Tiranë shtë arrestuar dhe shtetasi I. L., pasi u konstatua duke drejtuar automjetin pa lejen përkatëse.
Në kryeqytet ka rënë në pranga dhe shtetasi E. S., pasi është konstatuar duke lëvizur jashtë fashës orare dhe ka kundërshtuar dhe goditur me grusht punonjësit e Policisë në detyrë.
Burime zyrtare bëjnë me dije se dy banorë t Krujës janë proceduar penalisht në Tiranë, pasi duke qarkulluar me një mjet, nuk i janë bindur urdhrit të Policisë dhe i kanë fyer e kanosur ata. Bëhet fjalë për shtetasit R. T. dhe A. T..
Në Durrës është proceduar në gjendje të lirë shtetasi Xh. P., pasi është konstatuar duke drejtuar motorin në gjendje të dehur, në masën 0.73 mg/litër.
Në Berat është proceduar në gjendje të lirë shtetasi A. M., pasi është konstatuar duke drejtuar motorin pa targa dhe pa leje drejtimi.
Në Korçë janë proceduar penalisht shtetasit J. K. dhe A. K., pasi nuk i janë bindur urdhrit të punonjësit të Policisë, për shkak të detyrës, si edhe kanë prishur qetësinë publike.
Në Durrës është proceduar penalisht shtetasi A. M., pasi u kap nga shërbimet e Policisë me një dokument të Ujësjellës Kanalizime Durrës me qëllim lëvizjen e lirë, por nga verifikimet e bëra nuk rezulton të jetë punonjës i kësaj ndërmarrjeje.
Në Kukës është proceduar penalisht për fshehje të ardhurash shtetasi N. C., banues në Kukës, pasi ushtronte aktivitetin në bar restorantin e tij, pa u regjistruar në organin përkatës.
