Presidenti Donald Trump i ka bërë thirrje të gjithë kryetarëve të shteteve në Amerikë, të cilët i rezistojnë autoritetit të tij të plotë dhe vendimit për të rihapur vendin.
Trump i kërcënoi se do të ndalojë ndihmat për të përballuar situatën e koronavirusit nëse nuk zbatojnë vendimin e tij.
Në një postim në Twitter shkroi: “Tregoji kryetarëve demokratë se “Mutiny On The Bounty” ishte një prej filmave të mi të preferuar. Një kryengritje e modës së vjetër është gjithmonë e më emocionuese për tu parë, sidomos kur kryengritësit kanë kaq shumë nevojë nga kapiteni. Është shumë e thjeshtë”.
Presidenti po mbronte deklaratën e tij se ka autoritet të plotë për të rihapur bizneset e shteteve amerikane për të mos u shkatërruar nga situata e koronavirusit. Disa kryetarë, të drejtuar nga guvernatori i Nju Jorkut, Andreë Cuomo janë kundër Trump.
Cuomo e cilësoi presidentin “skizofren” për vendimin e rihapjes së vendit, gjë që mund të sjellë numër më të lartë viktimash. Por më pas tha se nuk dëshiron të luftojë me Trump.
Siç raporton Mail Online, në një konferencë për shtyp, Cuomo tha: “Deklarata e fundit e Trump nuk ka kuptim. Është skizofrenik. Presidenti duket qartë se dëshiron një luftë për këtë çështje. Ndonjëherë duhet më shumë forcë për tu larguar se sa për tu përfshirë në një luftë. Presidenti nuk do të luftojë me mua. Unë nuk do të përfshihem”.
Pas kësaj, reagoi Trump duke thënë se ka plotësuar të gjitha kërkesat e Nju Jorkut, i cili mbetet shteti më i goditur në ShBA dhe tani që kërkojnë për pavarësi nuk do e marrin.
