Çesk Millja, i cili u shkarkuar pak ditë nga posti i Prefektit të Shkodrës, ka shmangur komentet mbi vendimin e ministrit të Brendshëm, dhe u ka drejtuar një apel qytetarëve që të respektojnë masat e vendosura nga Qeveria.
Millja tha se nuk është koha për të parë pas, por duhet të ecim përpara.
“Sot nuk është një ditë komunikimi, por një ditë pune për të rritur masat që ndalojnë përhapjen e Covid-19”, tha ish-Prefekti.
Ai shtoi se në këto momente i drejtohet qytetareve duke i thënë se është themelore që të punojnë sëbashku e të respektojnë masat për të ruajtur jetën e njerëzve dhe për këtë qëllim duhet të bëhen bashkë.
Millja u shkarkua nga detyra pas shpërthimit të disa rasteve me Covid-19 në Shkodër.
