Gazetari Ylli Dylgjeri përmes një postimi në rrjetet sociale i është drejtuar Kryeministrit Edi Rama, pasi ky i fundit publikoi atë që e quajti si paketa e dytë e ndihmës financiare ndaj bizneseve dhe qytetarëve që kanë humbur punën si pasojë e epidemisë së koronavirusit.
Duke iu drejtuar Ramës, Dylgjeri shkruan se ai personalisht nuk e gjen veten në asnjë prej paketave, që Kryeministri nuk e ka ndarë ende mendjen nëse janë sociale, ekonomike apo social ekonomike.
“Jam kryefamiljar, i pa punë, i izoluar në shtëpi duhet të pres se çfarë mbështetje mund të marr nga Shteti Yt (i imi) pa afat e pa asnjë shans.
Këtu me lind e drejta t’Ju pyes edhe si Kryetar i KM dhe siç thoni së fundi edhe si Baba:
Ku futem Unë dhe kategoria ime që kanë fituar gjygjet nga akuzat arbitrare? Ku do të ha Unë? Nëse nuk ka zgjidhje nga Ju, më ler të lirë të luftoj me Coronën.
Ose të më hajë Corona ose ta ha Unë Coronën! Kështu siç jam, nuk mund të ushqehem as me cironka!
Zoti Rama!
Të drejtohem Ty, sepse në këtë vend edhe Zoti është marrë me konçesion nga Rilindja!”, ironizon Dylgjeri.
Postimi nga Ylli Dylgjeri
Bukën e përditshme falna zoti Rama!
Deri më tash kam ndjekur me vëmëndje Paketën Tuaj që ende nuk e keni ndarë mëndjen është sociale, ekonomike, apo social-ekonomike.Them Paketa Yt-e dhe jo e Im-ja, sepse deri më tani paketa është ofruar, ose është studiuar që shumica të mos marrë dhe veçanërisht të përjashtohen shtetasit jo Rilindas.
Them shteti Yt dhe jo i Imi se deri më tash.
Unë se gjej veten në asnjë kategori apo shtresë të përkrahjes sociale. Për të kuptuar lexuesi po i rikujtoj se sot jam i pa punë prej 13-të muajsh nga një largim arbitrar që Gjykata Administrative e rrëzoi si të pa mbështetur në asnjë ligj. Gjykata e rrëzoi dhe më dha të drejtë. Unë fitova gjygjësisht ndaj padrejtësisë së Ministrisë së Financave dhe Qeverisë.
Pra, kam fituar gjygjet ndaj vendimeve arbitrare por nuk fitoj socialisht nga paketa financiare e po të njëjtës Ministri Financash dhe po të njëjtës Qeveri!
Në këto kushte, kryefamiljar, i pa punë, i izoluar në shtëpi duhet të pres se çfarë mbështetje mund të marr nga Shteti Yt (i imi) pa afat e pa asnjë shans.
Këtu me lind e drejta t’Ju pyes edhe si Kryetar i KM dhe siç thoni së fundi edhe si Baba:
Ku futem Unë dhe kategoria ime që kanë fituar gjygjet nga akuzat arbitrare? Ku do të ha Unë? Nëse nuk ka zgjidhje nga Ju, më ler të lirë të luftoj me Coronën.
Ose të më hajë Corona ose ta ha Unë Coronën! Kështu siç jam, nuk mund të ushqehem as me cironka!
Zoti Rama!
Të drejtohem Ty, sepse në këtë vend edhe Zoti është marrë me konçesion nga Rilindja!
