Futbollisti belg, Obbi Oularé, është gjobitur me 250 euro pasi ka mbajtur një “barbecue” në kopshtin e tij së bashku me disa miq.
Dikur pjesë e Watford dhe që sot luan me Standard, Oulare, është shprehur i zhgënjyer nga ky vendim i policisë, duke thënë: “Nuk mendoj se kam bërë ndonjë gjë të keqe, se di pse policia u tregua aq e rreptë dhe e ashpër me mua”.
Ka qenë një telefonatë e fqinjëve që ka thërritur policinë, e cila më pas ka vendosur të marrë masat për rastin në fjalë. E gjitha kjo në kuadër të masave të ndërmarra për të luftuar përhapjen e coronavirusit, pasi edhe në Belgjikë pasojat e coronavirusit janë të mëdha, ku kanë humbur jetën 3903 persona.
