Gjermania ka publikuar raportin e 24 orëve të fundit për numrin e të infektuarve me koronavirus.
Numri i infeksioneve të konfirmuara të koronavirusit në Gjermani është rritur me 2537 ndërsa numri total është 123.016, treguan të hënën të dhënat nga Instituti Robert Koch (RKI) për sëmundjet infektive, raporton Reuters.
Kjo ishte prapë shifra më e ulët e infeksioneve të reja, pasi të dielën u raportuan 2821 raste. Prej 4 ditësh Gjermania shënon uljen e numrit të rasteve të reja, por edhe vdekjeve.
Numri i raportuar i të vdekurve është rritur me 126, ndërsa në total kanë humbur jetën 2799.
