Kampioni britanik i boksit, Anthony Joshua, në një intervistë të fundit ka deklaruar se Mike Tyson do të fitonte në një përballje “kokë më kokë” ndaj Muhammad Ali, duke dhënë dhe arsyetimin e tij.
Por kësaj deklarate nuk i qëndron vetë legjenda e boksit amerikan, Mike Tyson, i cili ka rrëfyer se nuk do të kishte asnjë shans kundër atij që konsiderohet si boksieri më i madh i të gjitha kohërave.
Mike Tyson tha për Yahoo: “E di që është një duel fantazie. Me shumë gjasa, unë do të fitoja në fantazi, por në botën e vërtetë, Ali do të më mposhte. Ai është më i madhi i të gjitha kohërave, pa asnjë diskutim”, u shpreh Tyson.
Tyson “Iron” Mike konsiderohet si boksieri me grushtin më të fortë në historinë e boksit, si dhe është ende boksieri që u bë kampioni i botës më i ri në moshë, 20 vjeç.
