Edhe ditën e sotme (e enjte, 9 prill) në vendin tonë pritet një mot i qëndrueshëm.
Sipas Meteoalb, territori shqiptar do të karakterizohet nga një mot me alternime kthjellimesh dhe vranësirash, por që mundësitë për reshje janë të pakta.
Temperaturat do të pësojnë një rritje të lehtë ku do të variojnë: në zonat malore, nga 04ºC në 16ºC, në zonat e ulëta nga 10ºC në 24ºC dhe në zonat bregdetare nga 13°C në 25ºC.
Era do të fryj në drejtim Verior-Veriperëndimor, ndrësa forca e valëzimit në det pritet të jetë deri në 3 ballë.
