Ish-Kryeministri Sali Berisha ka publikuar në rrjetet sociale një video, ku shfaqet një person, ndoshta refugjat sirian, që përmes skelave, në një pallat në ndërtim, ngjitet në tarracë.
“Njerëz të braktisur, refugjatë sirianë në Durrës. Flenë në tarracën e pallatit në ndërtim! E dhimbshme!”, shkruan Berisha, duke postuar videon e mëposhtme.
Prej javësh, në territorin shqiptar, enden me qindra refugjatë sirianë, që ndoshta presin hapjen e kufijve për të udhëtuar drejt Perëndimit.
Pavarësisht se vendi ndodhet në një situatë të jashtëzakonshme dhe ka një ndalim qarkullimi prej orës 13:00-05:00, duket se sirianët e lënë pa mbështetjen e autoriteteve, kanë gjetur si strehë ose pallate në ndërtim, ose objekte të braktisura.
