Aventura e Xherdan Shaqirit te skuadra e Liverpool-it ka qenë zhgënjyese. Edhe pse Klopp shpesh herë ka folur me superlative për sulmuesin shqiptar, minutat në fushën e lojës kanë qenë të pakta.
Kështu mungesa e hapësirave në këtë sezon, ka bërë që futbollisti me origjinë shqiptare të mendojë largimin nga Premier League. Për Shaqirin interesohet Sevilla që në merkaton e kësaj vere synon të afrojë në skuadër lojtarë cilësorë përfshirë edhe Ivan Rakitic.
Liverpooli nga ana tjetër kërkon të përfitojë 30 milionë euro nga shitja e Shaqirit shifër që Sevilla është e gatshme ta paguajë. – raporton “Teamtalk”
Për Shaqirin interesohen dhe Galatasaray e Roma, por oferta e Sevillas është më konkrete dhe 28-vjeçari do të transferohet në Andaluzi.
