“Duke cilësuar: ‘Kanë mungesë përgjegjshmërie”, Lleshaj ofendoi qytetarëte Shkodrës.”
Kështu shprehet ish-deputetja e PD-së, Izmira Ulqinaku, pas deklaratës së ministrit të Brendshëm Sandër Lleshaj të dhënë nga Shkodra.
Në një postim në rrjetet sociale, ish deputetja demokrate shkruan se mungesë përgjegjshmërie në këtë situatë ka treguar vetëm Qeveria Rama, e cila nuk zbaton rekomandimet e OBSh-së.
Sipas saj, vizita e Lleshajt sot, i vlen vetëm propagandës e jo Shkodrës.
Postimi i plotë i ish-deputetes Izmira Ulqinaku:
Ministri Lleshaj në intervisten e dhënë sot në Shkodër ka ofenduar qytetarët duke cilësuar: “Kanë mungesë përgjegjshmërie”.
Në të vërtetë mungesë përgjegjshmërie në këtë situatë ka treguar vetëm Qeveria Rama, e cila nuk zbaton rekomandimet e Organizatës Botërore të Shëndetësisë: test, test dhe gjurmim të të infektuarve.
Shkodra është shembulli se si Qeveria sillet me shqiptarët.
Të vetmet deklarata që degjojmë janë ulërima për izolim e kërcënimet për burg.
E lanë në mëshirë të fatit, e braktisën qytetin tonë. Asnjë test!
Edhe në rastet e zbuluara asnjë gjurmim.
Pasi lejuan të hyjë Shkodra nën darët e Covid-19, tani bëhen të gjallë e vijnë e kakarisin si gjeli në grumbull të plehut.
Vizita e Lleshajt sot, i vlen vetëm propagandës e jo Shkodrës.
Shkodrës kur i duhej mbështetja nga Qeveria, e braktisen.
Tani, në vend që të shfryjë duf ndaj shkodranëve, do ishte e duhur të sillnin tamponë e të bënin qindra testime.
