Gjykata e Posaçme ka vendosur masën e sigurisë “arrest shtëpie” për ish-drejtorin e burgut 313 Eduart Struga.
Ndërsa për ish-shefin e logjistikës në burgun 313 Florian Ahmetaj dhe biznesmin Ervin Kurtulla është caktuar masa e sigurisë “arrest me burg”.
Vendimi është marrë këtë të hënë.
Të tre shtetasit u vunë në pranga të premte nën akuzën për veprën penale, “Korrupsioni pasiv i personave që ushtrojnë funksione publike”.
Dy zyrtarët dyshohet se kanë kërkuar dhe marrë rreth 550 mijë lekë nga biznesmeni Ervin Kurtula, në shkëmbim të marrjes së lejës së minimarketit, që ndodhet brenda burgut “313”.
Shefit të logjistikës së burgut 313, Florian Ahmetajt iu sekuestrua, në cilësinë e provës materiale, shuma prej 100 mijë lekësh, objekt përfitimi të parregullt.
