Në qarkun e Shkodrës janë konfirmuar 6 raste të reja me koronavirus, duke e çuar numrin e të prekurve në këtë qark në 48 persona.
Gjashtë rastet e reja, raportet se janë kontakte të rasteve të mëparshme.
Një prej të infektuarve raportohet se është një infermier, që i ka shërbyer për rreth 1 muaj një pacienteje 80-vjeçare, që ka rezultuar më parë e infektuar, dhe që ka ndërruar jetë dy ditë më parë.
Ndërkohë dy pacientë të tjerë janë anëtarë të një familjeje nga Kirasi, të infektuar nga familjarët e tyre, ndërsa një anëtar i përket një familjeje në Dobraç.
Deri mesditën e djeshme, referuar shifrave zyrtare të Ministrisë së Shëndetësisë, me koronavirus janë infektuar 361 qytetarë, pjesa më e madhe e të cilëve janë në Tiranë, Shkodër, Durrës dhe Fier. Ndërkohë që numri i viktimave ka shkuar në 21 persona.
