Një apartament është përfshirë nga flakët pasditen e sotme në kryeqytet. Mësohet se ngjarja ka ndodhur në zonën e “Misto Mames” në katin e dytë të një pallati.
Në vendin e ngjarjes kanë mbërritur menjëherë forcat zjarrfikëse që kanë evakuar banorët. Siç shihet edhe në foton e siguruar nga Boldnews.al, ndërhyrja e forcave zjarrfikëse është bërë nga ballkoni i banesës.
Fatmirësisht nuk ka persona të lënduar nga zjarri, ndërsa dyshohet se shkak për të është bërë një shkëndijë elektrike. Gjithsesi po punohet për zbardhjen e plotë të kësaj ngjarjeje.
(Boldnews)
