Manipuluesi serial Michael Walker – rreshter i ushtrisë së SHBA, i tha Alisia Jackson se jeta e tyre do të ishte më mirë po të hiqnin qafe gruan e tij, 38 vjeçaren Catherine Walker.
Ai u lidh me Jackson pasi ishte stacionuar me punë ne Hawaii, dhe i tha se kërkonte divorcin nga gruaja por nuk mund ta përballonte financiarisht. Për ta bindur atë të kryente aktin fatal Walker i tha se Catherine kishte një sigurim jete prej $400,000 të cilin ai mund ta merrte nëse e shoqja vdiste.
Jackson, e cila kishte probleme të shëndetit mendor, i pranoi sugjerimet e tij dhe së bashku komplotuan për të vrarë Catherine në krevat teksa flinte, në shtëpinë e kampit ushtarak në Aliamanu.
Çifti hartoi një kod djallëzor për të fshehur qëllimet e tyre. Në tetor 2014, viti kur ndodi vrasja, Walker i dërgoi Jackson një mesazh ku thuhej: “Të dëshiroj aq shumë!!! Vetëm nëse do të hiqej qafe dikush!”
Disa javë më vonë teksa planifikonin si do të kryenin vrasjen Jackson i tha atij se ishte “e etur për veprim”. Walker u përgjigj: “Sa më shpejt aq më mirë.”
Ata ranë dakord ta bënin të dukej si një grabitje e shkuar keq dhe Walkers i tregoi të dashurës se ku gjendej çelësi i shtëpisë.
Natën e caktuar ajo hyri në shtëpi dhe sulmoi me thikë Catherine teksa ishte në gjumë duke e goditur në kurriz e në qafë. Walker u kthye atë natë në shtëpi kur “gjeti” gruan që ia kishin vrarë dhe lajmëroi policinë. Por pa shenja thyerje ne shtepi hetuesit shpejt kuptuan se ishte një punë e brendshme dhe Walker e Jackson u arrestuan.
Gjatë gjyqit në 2015, Jackson tha se kishte qëlluar për vdekje Catherine dhe kishte qëndruar aty derisa kishte vdekur. Avokati i saj tha se Jackson ishte diagnostikuar me çrregullim skizofrenik dhe prej disa kohësh nuk kishte marrë ilaçet prej një boshllëku në sigurimet shëndetësore.
Në shkurt të këtij viti, Walker u dënua me 35 vjet burg për komplotin e tij dhe gjykatësi tha se ai do të dënohej më shumë se Jackson sepse kishte orkestruar gjithçka.
