Italia është vendi më i goditur nga coronavirusi, ku përveç humbjeve të mëdha në jetë, një goditje të madhe ka pësuar edhe ekonomia, aty ku bën pjesë edhe futbolli.
Si rrjedhojë e kësaj situate, Juventusi, është një nga klubet me humbjet më të mëdha dhe drejtuesit mund të bëjnë një sakrificë për të dalë nga kjo situatë e vështirë. Zgjidhja është Cristiano Ronaldo.
Sipas gazetës italiane “Il Messaggero”, bardhezinjtë mund të detyrohen ta shesin portugezin për 63 milionë stërlina dhe kjo do të sillte daljen nga kriza financiare. Më tej po nga ky raportim, thuhet se kjo gjë do të ndodhte pas përfundimit të kontratës aktuale të Ronaldos me klubin.
Gjithsesi ende nuk ka asgjë konkrete dhe gjithçka pritet të mësohet në ditët në vijim.
