Maqedonia e Veriut në fund të këtij muaj pret ngritjen e flamurit të saj përkrah vendeve anëtare të Aleancës së Atlantikut të Veriut, ndërsa një ngjarje e tillë historike për vendin fqinj është përshëndetur edhe nga Greqia.
Ministria e Punëve të Jashtme të Greqisë përmes “Twitter”-it zyrtar dërgoi urime për anëtarësimin e Republikës së Maqedonisë së Veriut në NATO, duke shtuar se pret bashkëpunim konstruktiv, lajmëroi korrespondentja e MIA-s nga Athina.
“I urojmë Republikës së Maqedonisë së Veriut për anëtarësimin në NATO, si anëtare e 30-të e Aleancës. Mirë se erdhe në familjen e NATO-s dhe presim bashkëpunim konstruktiv në korniza të Aleancës”, shkruan në “Twitter”, Ministria e jashtme greke
Kujtojmë se marrëveshja historike mes dy vendeve për çështjen e emrit ku nga “Maqedon” u ndryshua në “Maqedoni e Veriut” ka hapurrrugë për një marrëdhënie më të qetë dhe bashkëpunuese mes dy vendeve ndërkohë që tensiopnet mes tyre kanë qenë më parë të vazhdueshme dhe mjaft shqetësuese edhe për misionin ndërkombëtar.
