“Dinastia Marubi – 100 vite të fotografisë së studios në Shqipëri”. Më këtë titull gazeta e njohur “Financial Times”, ka publikuar foto të Kel Marubit me të shoqen, duke theksuar se ajo është pjesë e një koleksioni prej mbi 150 mijë fotosh, fryt i punës së tre gjeneratave të fotografëve shqiptarë.
Shkrimi është në kuadër të hapjes së një ekspozite në Amsterdam. “Në vitin 1950, italiani Pietro Marubi u arratis nga pushtimi i perandorisë austro-hungareze dhe emigroi në Shkodër, ku themeloi biznesin e tij: foto-studion Marubi. Ndërsa, kërkesa për punë rritej, ai punësoi një asistent, Kel Kodhelin.
Pas vdekjes së Marubit, Kodheli e ndryshoi emrin në Kel Marubi dhe mori përsipër studion, të cilën ia la më pas të birit, Gegë”, shkruan gazeta, që thekson se fotot e Marubit dëshmojnë historinë e pasur kulturore dhe politike të Shqipërisë, nga Perandoria Osmane tek sundimi komunist.
