Futbolli në të gjithë Evropën është ndalur për shkak të emergjencës së Coronavirus dhe Federata e Futbollit Italian (FIGC) raportohet se ka theksuar nevojën për të mbrojtur kategori të caktuara lojtarësh.
“Corriere della Sera” bën të ditur se humbja e të ardhurave për shkak të pezullimit të futbollit do të thotë që kampionatet e futbollit në Itali rrezikojnë një krizë të rëndë financiare. Gazeta shkruan se, FIGC ka planifikuar të takohet me qeverinë italiane për të paraqitur propozimin e tyre të masave për të shpëtuar futbollin nga një krizë financiare.
Propozimi ndër të tjera do të përfshijë një kërkesë të përfitimeve ekonomike për lojtarët që kanë të ardhura jo më shumë se 50,000 € në vit, kryesisht lojtarë nga Seria B dhe Seria C.
