Përhapja e madhe e koronavirusit ka paralizuar jetën e shumë njerëzve nëpër botë sot. Izolimi vjen me një kosto jo vetëm psikologjike, por edhe financiare. Pikërisht në një situatë të tillë, Almeda Abazi dhe partneri i saj Tolgahan Sayisman kanë vendosur të japin ndihmesën e tyre modeste, duke ua lehtësuar barrën në këtë moment të vështirë atyre që janë vërtet në hall.
Sipas “Ennmagazinn”, ata kanë zgjedhur të mos e marrin qiranë e tre shtëpive që kanë në Amerikë dhe 4 të tjerave në Turqi. Kjo është ndihma që po u japin familjeve që mund të hasin në vështirësi ekonomike përgjatë kësaj periudhe, kur mjaft njerëz mund të kenë probleme me punën, e këtij shqetësimi i shtohet dhe ai i të mbeturit jashtë.
