Bhasha Mukherjee, doktoreshë dhe Miss Anglia, ka mbetur e bllokuar në Indi që prej ndalimit të udhëtimit të vendosur nga kryeministri Narendra Modi për ndalimin e përhapjes së koronavirusit të ri.
Bukuroshja tashmë i lutet qeverisë britanike ta ndihmojë të kthehet nga India në mënyrë që të ndihmoje ne luften ndaj epidemise.
24-vjeçarja kishte qenë në një udhëtim humanitar katër javor në Indi dhe tashmë është e bllokuar atje, si mijëra udhëtarë të tjerë në të gjithë botën që nuk mund të kthehen në vendet e tyre prej epidemisë. Ajo punonte në spitalin Pilgrim Lincolnshire, dhe thotë se tashmë ndjehet “në faj” që nuk mund të ndihmojë kolegët e saj. Bhasha shton se ka marrë email-et e spitalit ku i kërkohet rikthimi por nuk mund të bëjë asgjë.
Miss Mukherjee ka lindur në Indi por u vendos në Derby kur ishte nëntë vjeçe. Verën që shkoi ajo u kurorëzua Miss England.
