Këngëtarja e njohur me origjinë shqiptare Bebe Rexha, në një intervistë për “Health”, ka treguar se është në kërkim të partnerit apo partneres ideale: “Unë po përpiqem t’i mbaj gjërat personale. Derisa të gjej një, mund të them që jam single. Thjesht dua të gjej dikë që e dua dhe që më do, dhe nuk më intereson nëse është një djalë apo një vajzë. “
“Në fund të ditës dashuria është dashuri dhe nuk mendoj se duhet të etiketohet në çfarëdo mënyre. Asnjëherë nuk e kam parë ashtu në jetën time. Unë mendoj se kështu më rritën prindërit, të gjithë janë të barabartë dhe thjesht mund ta duash atë që dëshiron dhe të jesh mirë. Dhe, ndonjëherë, kur udhëtoni nëpër botë, shihni disa gjëra në lidhje me mënyrën se si njerëzit e shohin seksualitetin dhe kjo të bën të reflektosh. “ – i tha ajo Dan Wootton në podcast-in e tij
Rexha shprehu mendimin e saj se pse është single në një intervistë me Nylon, duke thënë: “Po, unë mendoj se i tremb burrat. Ndihem sikur të gjithë kanë frikë nga unë, djem dhe vajza. Sepse më pëlqen t’i them gjërat troç, dhe ata kanë frikë se do të them diçka për ta. Ndonjëherë ndjej se jam aq mashkullor në jetën time të përditshme.”
