Arben Gjata, kreu i Task Forcës anti Covid-19, foli në “Dita Jonë” mbi situatën aktuale nga përhapja e pandemisë së koronavirusit.
Fillimisht, ai sqaroi gjendjen shëndetësore të 61-vjeçarit, i cili pësoi vdekje klinike një ditë më parë. Gjata u shpreh se gjendja e pacientit është e stabilizuar, por e rëndë. Të shpresojmë, thotë ai.
Ndërkohë, jo vetëm kryeministri Rama, por edhe mjekët, janë shprehur se kjo javë është mjaft e rëndësishme. Gjata e shpjegoi këtë: “Janë mbyllur rreth 2 javët e inkubacionit. Virusi shfaqet pas rreth 2 javëve në inkubacion dhe pritet tashmë për të parë se si do të jetë tendenca, si në këtë javë dhe në javën tjetër. Shpresojmë të kemi një stabilitet, jo një shpërthim të madh”, u shpreh Gjata. Ai foli edhe për numrin e testimeve.
“Në Shqipëri, si në çdo vend tjetër, ka karakteristikat e veta. Edhe nga ana infrastrukturës spitalore, ata kanë menduar se Shqipëria nuk është e përgatitur për të kryer këto testime. Deri tani janë zbatuar rekormandimet e OBSH-së. Shqipëria është në të njëjtat nivele si edhe vende të tjera europiane. Të gjithë duhet ta konsiderojmë veten sikur jemi të infektuar, për të marrë masat e duhura”, tha Gjata./A2News.com
