Administratori i kompanisë farmaceutike ‘Omega Pharma’ është arrestuar nga Antikontrabanda dhe Krimi Ekonomik në kuadër të operacionit ‘Vitamina’.
Kështu, në pranga ka rënë Fatos Çausholli, pasi ka shmangur detyrimet doganore me vlerë 40 milionë Lekë. Ngarkesa me vitamina dhe ilaçe kishte mbërritur për llogari të kompanisë ‘Omega Pharma’.
Në prangat e policisë ka rënë edhe agjenti doganor në Doganën e Tiranës, Mirlind Berberi, me akuzën e shpërdorimit të detyrës. Ky i fundit ka ndihmuar administratorin e kompanisë për të shmangur detyrimet doganore prej 40 milionë Lekësh.
Por ajo çfarë është e çuditshme është se administratori i arrestuar sot, Fatos Çausholli, ka marrë një letër falenderimi nga ana e ish-ministri Shkëlqim Cani si një biznes i ndershëm.
Lexoni më poshtë letrën e Falenderimit
