Për të zbuluar të infektuarit me koronavirus, SHBA po përdor tampinë dhe kite italiane. Corriere della Sera ka publikuar një lajm sipas të cilit amerikanët i kanë marrë ato nga një kompani italiane e quajtur Copan, me rreth 600 të punësuar, me qendër në Breshia.
Pasi Donald Trump kishte nënvlerësuar rreziqet e pandemisë, një aeroplan ushtarak amerikan i ngritur nga baza Ramstein në Gjermani është ulur në Aviano, provinca Pordenone.
Dy ditë më vonë shefi i Forcave Ajrore të SHBA, Gjenerali David Goldfein ka thënë nga Pentagoni se ka mbërritur ngarkesa ushtarake me materiale për testimet e Covid-19. Sipas tij, “gjithçka në mbështetje të Sigurisë Kombëtare dhe Shërbimeve Shëndetësore për të plotësuar nevojat e tyre”.
Një uebfaqen amerikane DefenseOne shkruhej se “Forcat Ajrore të SHBA transportuan në heshtje 500,000 kuti provash për Covid-19 me një fluturim nga Italia në Memfis.” Pas këtij lajmi dhe interesit të gazetës italiane shefi juridik i kompanisë Copan, Lorenzo Fumagalli ka thënë se: Ne po prodhojmë mbi dhjetë milion tampona në javë. Ne i shpërndajmë ato në Itali, në Evropë e kudo në botë. Fabrika jonë gjithashtu punon gjatë natës. Ai e ka konfirmuar lajmin e dërgimit të tamponëve në SHBA dhe ka shtuar: “Duhet të jemi të qartë. Tamponi është një gjë, prova është diçka tjetër.
Me dorëzimin që do të kryejmë të hënën e ardhshme, ne kemi furnizuar një milion e njëqind mijë komplete për klientët në Itali që nga fillimi i krizës. Nëse testet e kryera në vend janë më pak, kjo ndodh sepse aftësia për të kryer teste në laboratorët italianë aq është”. I pyetur pse është përdorur një avion ushtarak C-17, për të transportuar ngarkesën zyrtari i kompanisë ka thënë: “Sepse ai ishte aeroplani i vetëm në dispozicion”, duke siguruar njëkohësisht se “Nuk ka mungesë tamponësh në Itali”. Corriere della Sera
