Mijëra parcela hashash asgjesohen përditë nga forcat e policisë ndërsa kultivuesit duket se nuk kanë të mbaruar. Por pavarësisht kësaj, Ministrin e Brendshëm Saimir Tahiri e ka zënë meraku për kafshët duke propozuar një ligj për mbrojtjen e tyre.
Nëpërmjet një postimi në profilin e tij në facebook, Tahiri ka shpallur detaje të ashpërsimit të ligjit për mbrojtjen e kafshëve, duke marrë shkas nga disa foto të publikuara në dyluftime mes qenëve.
Sipas Tahirit, nisma e re ligjore do ta ndalojë këtë e madje do t’i çojë në burg deri në 6 muaj autorët. Në rast ngordhje të qenit, dënimi do të shkojë deri në 12 muaj burg.
Dënimi më i rëndë duket se ka të bëjë me organizimin me qëllimi përfitimit financiar të luftimit midis kafshëve, kur përveç dy viteve burg që është dënimi maksimal, ka edhe një dënim me gjobë deri në 1.000.000 lek.
Rastet e dhunës ndaj kafshëve janë jo të vogla, por shpesh janë trajtuar mizorisht deri në ngordhje.
Përballë kësaj situate, ministri i Brendshëm, Saimir Tahiri thotë se ky fenomen duhet të mbarojë e madje përveç rasteve të dhunimit, e dënueshme do të jetë edhe braktisja.
Deri më sot nuk ka pasur asnjë bazë ligjore për këtë. Për ata që e konsiderojnë të tepërt reagimin dhe se në Shqipëri ka shumë probleme të mëdha, ministri e ka një përgjigje të çuditshme.
“Disa të tjerë do thonë të shohim njerëzit një here, pastaj kafshët. Unë mendoj te kundërtën! Asnjë problem tjetër, sado i madh, nuk mund të jetë kurrë justifikim aq sa të jemi indiferent ndaj dhunimit te kafshëve në vendin tonë.”- shprehet Ministri i Brendshësm.
Çdo kush e vlerson nismën e Tahirit për kujdesin që ka ndaj kafshëve dhe në veçanti ndaj qenëve, por në një kohë kur Shqipëria vlon nga vrasjet, grabitjet dhe parcelat me kannabis sativa, kjo nisëm duket se është e tepruar.
Nga Boldnews.al
