Kina ka nisur testimin e një vaksine te njeriu kundër koronavirusit. Kjo është bërë e ditur në Pekin nga ministri i Mbrojtjes.
Vaksina është zhvilluar nën drejtimin e epidemiologut Chen Wei. Ajo është aprovuar pas testimeve fillestare dhe thuhet se mund të përdoret tek njerëzit.
“Ministri i Mbrojtjes e përshkruan si të sigurtë dhe efikase dhe ka deklaruar se është në vazhdim të përgatitjeve për prodhimin në masë”, raportojnë mediat.
Autoritetet kineze deklaruan në shkurt se do të mund të testojnë brenda prillit një vaksinë tek njerëzit.
Gjithashtu në shumë vende po punohet për një vaksinë.
Megjithatë kjo do të mund të jetë gati vetëm pas disa muajsh për pacientët.
Shumë shkencëtarë, institucione akademike dhe biznese, shpresojnë të jenë të parët që të gjejnë një ilaç efikas.
Vetëm në Kinë raportohet se janë në proces zhvillimi të paktën nëntë vaksina të mundshme.
