Komisioneri për Fqinjësi dhe Zgjerim, Oliver Varhelyi iu drejtua sot kryeministrave të Ballkanit Perëndimor në një video-konferencë të organizuar nga Kryeministri i Austrisë Sebastian Kurz, në të cilën ishte i pranishëm edhe kryeministri Edi rama.
Komisioneri, sipas njoftimit të Misionit të BE, theksoi gatishmërinë e BE-së për të mbështetur rajonin në adresimin e shpërthimit të koronavirusit dhe ndikimit të tij.
“Ne po shohim se si ta përfshijmë Ballkanin Perëndimor me iniciativat që BE po ndërmerr. Duke parë gjithashtu se si të ofrojmë mbështetje më të mirë në zbutjen e ndikimit social-ekonomik, përfshirë këtu ridrejtimin e fondeve IPA dhe fleksibilitetin me rregullat e ndihmës shtetërore.
Koordinimi dhe bashkëpunimi i ngushtë në niveli rajonal dhe me BE-në është i rëndësishëm.
Unë nënvizova rëndësinë e vendimit pozitiv për hapjen e bisedimeve të pranimit me Shqipërinë dhe Maqedoninë e Veriut javën e ardhshme si një sinjal për Ballkanin Perëndimor në këto rrethana kritike”, shkruan në Twitter Komisioneri Varhelyi.
