Policia e Vlorës ka vendosur masa administrative ndaj pronarëve të tre lokaleve, që vijonin punën, në kundërshtim me masat kufizuese të shpallura nga Qeveria, për vënien në kontroll të pasojave që sjellin përhapjen e COVID-19.
Policia njoftoi se lokali nën administrimin e shtetasit E.F., 54 vjeç, me emërtimin “Bar-kafe” në lagjen “1 Maji” Vlorë, ka marrë masë administrative 100 000 lekë.
Po kështu, lokali nën administrimin e shtetasit R.S., 56 vjeç, me emërtimin “Bar-kafe” në lagjen “24 Maji”, Vlorë, ka marrë masë administrative 100 000 lekë.
Policia gjithashtu ka gjobitur me 1 mln lekë edhe shtetasinn J.S., 33 vjeç, administrator i një “Bar-kafe” në lagjen “Pavarësia”, Vlorë.
“Për të tre këta shtetas u përpiluan Proces–verbalet mbi kundravajtjen administrative, për shkelje të pikës 7, neni 3, të Aktit Normativ Nr.3, datë 15.03.2020.
Njëkohësisht u përpilua Proces–verbal mbi kundravajtjen administrative, për shkelje të pikës 17, neni 3, të Aktit Normativ Nr.3, datë 15.03.2020, të ndryshuar, pasi shtetasi G.K., 38 vjeç, nuk ka zbatuar urdhërin e dhëne nga organet kopetente për ndalimin e lëvizjes për këmbësorët sipas orarit të përcaktuar, ku masa administrative kundrejt tij është 10 000 lekë”, thuhet në njoftimin e policisë.
