Një ngjarje shumë e rëndë ka ndodhur në familjen e Jan Vertonghen. Sipas The Sun, më 10 mars, ditë në të cilën mbrojtësi i Tottenham ishte i angazhuar në Champions League kundër Laipzig, bashkëshortja e tij dhe dy fëmijët janë mbajtur peng nga katër persona të cilët ishin futur në shtëpinë e tij për të grabitur. Këtë lajm e ka konfirmuar më pas edhe vetë klubi i Tottenham me anë të një postimi për mediat:
“Jemi përkrah Jan dhe familjes së tij pas këtij momenti të tmershëm. Ftojmë këdo që ka informacion të njoftoj policinë”, lexohet në postimin e klubit londinez. Nga ana e tyre, policia britanike zbardhi detaje të tjera nga kjo ngjarje: 4 përsona të maskuar dhe të armatosur me thika janë futur në shtëpinë e lojtarit gjatë kohës ku aty ndodhej bashkëshortja dhe fëmijët. Përpara se të largoheshin kanë vjedhur disa gjëra me vlerë, askush nuk u dëmtua”, lexohet në njoftimin e policisë.
