Valencia dha alarmin ditën e sotme në Spanjë, me klubin spanjoll që konfirmoi plot 5 raste me Coronavirus në ekip. Nga këto 5 raste, 3 ishin lojtarë, ndërsa 2 prej tyre janë pjesëtarë të stafit.
Ezequiel Garay ishte emri i parë që u bë publik, ndërsa së fundmi zbulohen edhe emrat e mbrojtësve Mangala e Gaya. Të dy këta lojtarë kanë rezultuar pozitiv me COVID-19.
Përveç tre lojtarëve, pozitiv me Coronavirus kanë rezultuar edhe Paco Camarasa dhe Juan Aliaga, të dy pjesëtare të stafit të Valencias. Gjithashtu, edhe një lojtar i Segunda Division u konfirmua i infektuar ditën e sotme, Jonathas, i cili luan për Elchen.
