Arrestohet administratori i “Omega Pharma” Fatos Çausholli nën akuzën e kontrabandës së barnave.
Gjithashtu është arrestuar agjenti doganor me inicialet M.B, i cili mendohet se ka ndihmuar Çaushollin që të fusë ilaçet pa deklaruar barnat duke shmangur detyrimin doganor në vlerën e 40 milion lekëve. Dy kamionët e kompanisë “Omega Pharma” ishin nisur nga Maqedonia për të kaluar në doganë me ilaçe si vaj peshku dhe vitamina të tjera që përdoren për kurimin e zemrës.
Çaushollin u arrestua për veprën penale “Kontrabandë me Mallra te Tjera”, pasi gjatë kontrollit të ushtruar në doganë në ngarkesën e ardhur për llogari të kësaj kompanie rezultoi se kishte shmangie të detyrimeve doganore.
Ndërsa shtetasi M.B.u arrestua për veprën penale “Shpërdorimit të Detyrës”, e parashikuar nga neni 248 i K.Penal. Materialet në ngarkim të shtetasve të lartpërmendur do t’i kalojnë Prokurorisë së Rrethit Gjyqësor Tiranë për veprat penale të parashikuara nga neni 174 dhe 248 të K.Penal.
