Nga Boldnews.al
Është fakt se Operatori i Shpërndarjes së Energjisë Elektrike ka mbledhur shumë të ardhura që kryesisht vijnë nga qytetarët dhe jo nga oligarkët e këtij vendi. Por nga ana tjetër, këto para të marra nga xhepat e shqiptarëve shkojnë për tendera që shokojnë çdokënd kur i dëgjon.
I tillë është tenderi më i fundit i OSHEE për vendosjen e GPS, një pajisje gjurmuese që përdoret kryesisht për mjetet lëvizëse.
Sipas dokumentave të siguruara nga Boldnews.al, janë plot 468 milion lekë që do të përdoren për këtë shërbim ndërkohë që afati i fundit për dorëzimin e dokumentave të këtij tenderi është 15 shtator 2016.
Nuk dihet se çfarë kërkon të gjurmojë Administratori i OSHEE Ardian Çela, por e sigurtë është që ky tender qindra milionësh do të përfitohet në rastin më të mirë nga një prej klientëve të qeverisë ose në rastin më te keq nga miqtë e z. Çela.
Boldnews.al do të vijoj të denoncojë në ditët në vijim të tjera tenderat dhe afera korruptive të OSHEE nën drejtimin e Ardian Çela.
OSHEE vazhdon rekordet, tjetër tender me 99.99% të vlerës me ofertues të vetëm
Thellohet skandali / Kush fshihet pas tenderit 7 milionë dollarë të OSHEE-së
