Nuk është koha për panik, por për kujdes. Kështu u shpreh kreu demokrat Lulzim Basha në një konferencë për mediat duke i kërkuar qytetarëve që të respektojnë këshillat e mjekëve.
Basha gjithashtu i bëri thirrje Prokurorisë që të hetojë sa më shpejt skandalin e denoncuar nga Sekretari i Përgjithshëm i PD-së, ku mjekëve u janë shpërndarë maska që kanë skaduar që në vitin 2011.
“Shqetësim i jashtëzakonshëm për mjeket dhe stafet mjekësore. Në qendra shëndetësore janë shpërndarë 1.2 milionë maska të skaduara që në 2011.
Maskat e skaduara, akt kriminal. Ftoj Prokurorinë të nisë menjëherë hetimin”, tha Basha.
Basha theksoi se Qeveria me vetëdije ka shpërndarë maskat e skaduara duke u vënë një pullë për të mbuluar datën e skadencës.
“Maskat e skaduara rrezikojne personelin shëndetësor, familjarët dhe pacientët”, tha Basha.
