Të gjithë personat që do të futen në Izrael do t’u kërkohet të vetë-karantinohen për 14 ditë për të luftuar koronavirusin, ka njoftuar kryeministri Benjamin Netanyahu. “Të gjithë ata që vijnë në Izrael nga jashtë do të vendosen në izolim për 14 ditë,” tha ai në llogarinë e tij në Tëitter. Ministri i Brendshëm Aryeh Deri tha se masa do të ishte efektive menjëherë për të gjithë izraelitët që kthehen në vend.
Kjo do të zbatohej për qytetarët e huaj nga e enjtja, shtoi ai. Ata do të duhet të dëshmojnë se kishin akomodim të mjaftueshëm për t’u karantinuar gjatë qëndrimit në vend. “Pas një dite diskutimesh komplekse, ne morëm një vendim: të gjithë ata që vijnë në Izrael nga jashtë do të hyjnë në izolimin 14-ditësh,” tha zoti Netanyahu në një deklaratë. “Ky është një vendim i vështirë, por është thelbësore për të ruajtur shëndetin publik – dhe shëndeti publik i paraprin gjithçkaje.” Ai shtoi se vendimi do të ishte i vlefshëm për dy javë.
